ஜீ.வி.பிரகாஷ்குமார், கயல் புகழ் ஆனந்தி, மனிஷா யாதவ் நடிப்பில் ஆதிக் ரவிச்சந்திரன் இயக்கத்தில் நேற்று வெளியாகியது திரிஷா இல்லனா நயன்தாரா. அதிக ஆபாச வசனங்கள் இருப்பதாக இப்படம் குறித்து விமர்சனங்கள் எழுந்துள்ளன.
இந்நிலையில் இப்படம் குறித்த புரமோசன் நிகழ்ச்சி ஒன்றில் இயக்குனரும், நடிகை ஆனந்தியும் கைகலப்பில் ஈடுபட்டதாக செய்திகள் வெளிவந்துள்ளன. தனியார் தொலைக்காட்சிக்கு சென்ற இயக்குநர் ஆதிக் ரவிச்சந்திரனுடன் சென்ற நாயகி, படத்தில் தனக்கு சரியான பாத்திரம் அமையவில்லை என்று கூறினாராம்.
இதனால் இருவருக்கும் அந்த இடத்திலேயே முட்டிக் கொண்டதாம்.. இதையடுத்து ஒரு தனியார் வானொலி நிகழ்ச்சியில் கலந்துகொண்டனர். அங்கு பேசிய ஆனந்தி, தன் கேரியரையே இயக்குநர் ஆதிக் ரவிச்சந்திரன் கெடுத்துவிட்டார் என்றும், தன்னை ஆபாசமாகவும், மோசமான முறையில் காட்டியுள்ளதாகவும் பகிரங்கமாக கூறியுள்ளார்.
இதனால் கோபம் அடைந்த இயக்குனர் ஆனந்தியை திட்டியுள்ளார். ஒரு கட்டத்தில் வாய் வார்த்தை அதிகரிக்கவே இருவருக்கும் கைகலப்பு ஏற்பட்டுள்ளது. இதையடுத்து நிகழ்ச்சியை ஏற்பாடு செய்தவர்கள் இருவரையும் விலக்கி அனுப்பியுள்ளனர்.
