உத்திரகாண்ட் மாநிலத்தில், ஒரு காதல் ஜோடியை பிடித்து வைத்து, பணம் கேட்டு மிரட்டி கும்பலைப் பற்றிய வீடியோ ஒன்று சமூக வலைதளங்களில் வைரலாக பரவி வருகிறது.
உத்திரகாண்ட் மாநிலம், காஷிபுர் எனும் ஊரில் உள்ள, துமாரியா அணைப்பகுதியில் தனிமையில் பேசிக்கொண்டிருந்த, முஸ்லீம் இனத்தைச் சேர்ந்த ஒரு காதல் ஜோடி, பணம் பறிக்கும் ஒரு கும்பலிடம் மாட்டிக்கொண்டது.
அதில் ஒருவன் தன் முகத்தை கைக்குட்டையால் மூடியுள்ளான். இன்னொருவன் தன் முகத்தை காட்டவில்லை. அந்தக் கும்பலிடம் மாட்டிக்கொண்ட அந்த ஜோடி செய்வது தெரியாமல் முழித்துக் கொண்டிருக்கிறது. அந்த வழியாக வந்த ஒரு பெரியவரிடம் உதவி கேட்கிறது அந்த ஜோடி. ஆனால் ரூ.1000 கொடுத்தால்தான் அவர்களை விடுவிப்போம் என்கிறது அந்தக் கும்பல்.
சம்பந்தப்பட்ட கும்பல் மீது நடவடிக்கை எடுக்குமாறு காவல் துறைக்கு உத்திரவிடப்பட்டுள்ளது.
