சீனாவில் ஒருவர், தன் கள்ளக்காதலியை சந்திக்கப் போன போது, காதலியின் கணவர் வந்து விட்டதால், ஒரு இரவு முழுவதும், இரண்டு ஏர் கண்டிஷனர்களுக்கு நடுவில் மாட்டிக்கொண்ட சம்பவம் அங்கு பரபரப்பை ஏற்படுத்தியுள்ளது.
சீனாவின், புஜியான் மாகாணம் ஷிஷி என்ற நகரைச் சேர்ந்த இளைஞர், திருமணனான தன் காதலியியை சந்திக்கச் சென்றிருக்கிறார். காதலியிடம் ஜாலியாக இருந்தபோது, வெளியூர் போன காதலியின் கணவர் திடீரென வந்துவிட்டார்.
பயந்து போன அந்த வாலிபர், அவசர அவசரமாக ஆடைகளையெல்லம் போட்டுக்கொண்டு, அங்கிருந்து தப்பிக்க இடம் தேடியிருக்கிறார். அப்போது அவர் கண்ணில் பட்டது ஒரு ஜன்னல். அது வழியே தப்பிக்கலாம் என நினைத்து வேகமாக அந்த வழியில் நுழைந்துவிட்டார். ஆனால், அவரால் முழுதாக வெளியே வரமுடியவில்லை. அப்புறம்தான் தெரிந்தது அவர் மாட்டிக்கொண்டிருப்பது இரண்டு ஏர் கண்டிஷனர்களுக்கு இடையில் என்று.
பிறகென்ன, அப்படியே இரவு முழுவதும் இருந்திருக்கிறார். மறுநாள் விடிந்து, காதலியின் கணவர் காலையில் வெளியே சென்ற பிறகு, தன் காதலனின் நிலையை பார்த்துப் பதறிய காதலி, உடனடியாக தீயனைப்பு படையினருக்கு தகவல் கொடுத்தார்.
தீயணைப்பு விரர்கள் அவரை பத்திரமாக மீட்டனர். முதலில் யாரோ ஒருவர் மாட்டிக்கொண்டிருக்கிறார் என்றுதான் அந்தப்பெண் தகவல் கொடுத்திருக்கிறார். பிறகுதான் தெரிந்திருக்கிறது அவர்களின் உண்மைக் கதை.
