மதிமுக கட்சியிலிருந்து சிலர் வெளியேறுவதை பற்றி கருத்துக்கூறிய வைகோ, இதுநாள் வரை அவர்கள் கட்சியில் இருந்ததற்கு நன்றி என்று தெரிவித்துள்ளார்.
மதிமுக விலிருந்து சிலர் வெளியாகி திமுக வில் சேர்ந்து வருகின்ற நிலையில், இப்போது, அதன் மாநில போருளாளராக பதவி வகிக்கும் திண்டிவனம் மாசிலாமணியும் கட்சியிலிருந்து விலகுவதாக இன்று அறிவித்துள்ளார்.
சென்னையில் ஒரு நிகழ்ச்சியில் கலந்து கொண்ட வைகோவிடம் இது பற்றி கேள்வி கேட்கப்பட்டது.
அப்போது அவர் “எம்.பி., எம்.எல்.ஏ, போன்ற பதவிகளுக்கு ஆசைப்படுபவர்களே கட்சியில் இருந்து வெளியேறுகின்றனர்.
இருந்தாலும், இத்தனை நாள் கட்சியில் இருந்ததற்காக நான் அவர்களுக்கு நன்றி தெரிவித்துக் கொள்கிறேன். இன்னும் யாரெல்லாம் கட்சியிலிருந்து விலக நினைக்கிறார்களே அவர்கள் எல்லாம் செல்லலாம். அவர்களை வாழ்த்தி அனுப்புகிறேன்” என்று விரக்தியாக பேசினார்.
மேலும் “மதிமுக தலைவர்களால் உருவாக்கப்பட்டதல்ல. தொண்டர்களால் உருவாக்கப்பட்டது” என தெரிவித்தார்.
