ரஹானே விளையாடும் விதம் எனக்கு சச்சினை நினைவூட்டுவதாக உள்ளது என்று ஆஸ்திரேலிய அணியின் முன்னாள் கேப்டன் ஸ்டீவ் வாஹ் கூறியுள்ளார்.
இது குறித்து அவர் கூறுகையில், “ரஹானே எனக்கு பிடித்த வீரர். அதோடு தரமான வீரரும் கூட. அவர் எனக்கு சச்சினை கொஞ்சம் நினைவூட்டுவதாக உள்ளது. சச்சினை போன்று ’பேக் ஸ்விங்’ ஆட்டத்தை பெரிய அளவில் விளையாடவில்லை. ஆனால், சச்சினை தனது மாடலாக கொண்டிருப்பது வெளிப்படையாக தெரிகிறது.
ரஹானேவின் நுட்பமான ஆட்டம் பிடித்திருக்கிறது. அவரிடம் ஒரு கச்சிதமான நுட்பம் இருக்கிறது. அவருடைய ஷாட்கள், மைதானத்தின் அனைத்துப் பக்கங்களுக்கும் பந்தை விரட்டிவிடுகிறது. ஒரு விளையாட்டு வீரராக ரஹானேவை எனக்குப் பிடிக்கும். அவர் இந்திய அணிக்கு நிறைய ரன்களை குவித்து வருகிறார்” என்று கூறியுள்ளார்.
