ஒரு திமிங்கலத்தின் முதுகின் மீது கடல் நாய் ஒன்று பயணம் செய்யும் அரிய காட்சியை ஆஸ்திரேலியாவைச் சேர்ந்த புகைப்படக் கலைஞர் ஒருவர் படமெடுத்துள்ளார்.
திமிங்கலத்தின் முதுகில் கடல் நாயின் ஜாலி ரைட்
நியூசவுத் வேல்ஸ் கடற்கரையில் இந்தப் புகைப்படம் எடுக்கப்பட்டுள்ளது. இது மிகவும் அரிய நிகழ்வு என்கிறார்கள் விலங்கின நிபுணர்கள்.
ராபின் மால்கம் என்ற அந்த புகைப்படக் கலைஞர் சிட்னிக்குத் தெற்கே சில திமிங்கிலங்களைப் புகைப்படம் எடுத்துக்கொண்டிருந்தார்.
ஜாலி பயணத்தின் சற்றே நெருக்கமான தோற்றம்
அந்தப் புகைப்படங்களை மீண்டும் பார்த்தபோதுதான், திமிங்கிலத்தின் மீது கடல் நாய் பயணம் செய்யும் அரிய காட்சியும் தன் கேமராவில் பதிவாகியிருப்பது அவருக்குத் தெரிந்தது.
இம்மாதிரி ஒரு விலங்கு மற்றொரு விலங்கின் முதுகில் எதிர்பாராதவிதமாக பயணம் செய்யும் நிகழ்வு இவ்வருட ஆரம்பத்திலும் புகைப்படமாக எடுக்கப்பட்டது.
மரங்கொத்தியின் முதுகில் மரநாய் பயணம் செய்த காட்சி
மார்ச் மாதத்தில் மரங்கொத்தியின் முதுகில் மரநாய் பயணம் செய்த காட்சி பலரையும் ஆச்சரியப்படுத்தியது. மார்ச் மாதத்தில் கிழக்கு லண்டனில் உள்ள ஹார்ன்சர்ச் பகுதியில் ஒரு மரங்கொத்தியின் முதுகில் மரநாய் ஒன்று பயணம் செய்யும் காட்சியை மார்டின் லே மே என்பவர் புகைப்படம் எடுத்தார்.
ஃப்ளோரிடாவில் முதலையின் மீது பயணம் செய்யும் ரக்கூன்
ஜூன் மாதத்தில் மத்திய ஃப்ளோரிடாவில் உள்ள காட்டில் நடந்து சென்ற ஒரு குடும்பத்தினர், முதலையின் மீது ரக்கூன் ஒன்று பயணம் செய்யும் காட்சியை படமாக எடுத்தனர்.
அந்த முதலை தண்ணீருக்குள் மூழ்குவதற்கு முன்பாக அந்த ரக்கூன் இறங்கி ஓடிவிட்டதாக படத்தை எடுத்த ராபர்ட் ஜோன்ஸ் தெரிவித்தார்.
